Магшоты палітвязняў: Алег Філіпаў

Што гэта за фотаздымак?

1. Гэта фота рабілася ў горадзе Шклоў, калі мы толькі прыехалі ў калонію.

Як рабіўся гэты фотаздымак: што Вы адчувалі, у якіх умовах ладзілася фотаздымка, што адбывалася побач і хто фатаграфаваў?

2. Гэта было на "каранціне". Калі мы запоўнілі ўсе дакументы, дзе паказвалі вагу, рост, артыкулы, праз пару дзён нас пачалі фатаграфаваць. Гэта было не ў нейкім грубым тоне — усё было спакойна. Па-хуткаму рабілі гэтыя фатаграфіі. Фатаграфаваў чалавек у цывільным. Ён там працаваў фатографам.

Што Вы адчуваеце і ўзгадваеце цяпер, калі глядзіце на гэтае фота?

3. Калі я гляджу на гэтае фота, то прыходзяць проста ўспаміны: не цяжкія, але і не вельмі класныя ў плане самой турмы.

Што гэты фотаздымак значыць для Вас і ці будзеце захоўваць яго?

4. Фота будзе ў мяне ляжаць, бо гэта дакумент. Гэта доказ майго зняволення. Выкідаць яго дакладна не збіраюся, але і ўспамінаць пра яго асабліва не буду.

Гісторыя пераследу