Магшоты палітвязняў: Алена Дзядзюля

Што гэта за фотаздымак?

1. Фатаграфавалі на дакументы ў калоніі № 4.

Як рабіўся гэты фотаздымак: што Вы адчувалі, у якіх умовах ладзілася фотаздымка, што адбывалася побач і хто фатаграфаваў?

2. Не папярэджваючы, куды вядуць, наш атрад павялі да актавай залы. Нас заводзілі па некалькі чалавек фатаграфаваць на дакументы. На галаве заўсёды павінна быць хустка, але я зняла яе. Натуральна, з сабой расчоскі не было, таму як рукамі прыгладзіла валасы, так і атрымалася на фота. Фатаграфавалі дзве зняволеныя. Пры гэтым прысутнічала наглядчыца.

Што Вы адчуваеце і ўзгадваеце цяпер, калі глядзіце на гэтае фота?

3. Проста ўспамінаю турму... Мы ўвогуле часта ўзгадваем турму.

Што гэты фотаздымак значыць для Вас і ці будзеце захоўваць яго?

4. Абавязкова буду захоўваць, як пацверджанне рэпрэсій супраць мяне і простага народа ў Беларусі. Гэтая даведка для мяне, як важная ўзнагарода за стойкасць і нязломнасць. Гэта як медаль за барацьбу на баку праўды і справядлівасці. І не важна, што там у мяне не было магчымасці перад фатаграфаваннем прывесці сябе ў парадак, элементарна расчасацца, не кажучы аб касметыцы.

Гісторыя пераследу