Магшоты палітвязняў: Алена Лысковіч

Што гэта за фотаздымак?

1. Гэта фота з пасведчання асуджанай па палітычнай справе беларускі і з даведкі аб вызваленні пасля адбытага тэрміну зняволення.

Як рабіўся гэты фотаздымак: што Вы адчувалі, у якіх умовах ладзілася фотаздымка, што адбывалася побач і хто фатаграфаваў?

2. Фота рабілася ў кабінеце аператыўнага супрацоўніка папраўчай установы № 25 г. Гродна па вул. Леніна, 12А. Жанчына-міліцыянтка загадала стаць каля белай сцяны і яна сфатаграфавала. За дзвярамі стаяў дзяжурны назіральнік.

Што Вы адчуваеце і ўзгадваеце цяпер, калі глядзіце на гэтае фота?

3. Пачуцці былі жудасныя, нават і цяпер: жах, непрыняцце насілля і псіхічны пратэст супраць бязмежжа ў краіне.

Што гэты фотаздымак значыць для Вас і ці будзеце захоўваць яго?

4. Гэтыя паперы — доказ, як выглядаюць правы чалавека ў Беларусі. Зберагаю іх з адной мэтай — доказу ў чаканні грамадскага і міжнароднага суда над дыктатарам Лукашэнкам і карнікамі беларусаў.

Гісторыя пераследу