Магшоты палітвязняў: Дзяніс Краўчук

Што гэта за фотаздымак?

1. Гэта фота для асабістай справы і для спраўкі аб вызваленні з папраўчай калоніі № 17 г. Шклоў.

Як рабіўся гэты фотаздымак: што Вы адчувалі, у якіх умовах ладзілася фотаздымка, што адбывалася побач і хто фатаграфаваў?

2. Аднойчы мяне выклікаў да сябе заўгас карантына і і загадаў ісці да сталовай, дзе ў гэты час мяне ўжо чакаў нейкі чалавек апрануты ў цывільнае. З ім разам быў нейкі афіцэр ў форме. Мне загадалі падыйсці да сцяны, на якой быў замацаваны белы фон і стаць да яго спіной. Для чагосьці рабілі некалькі фота анфас. Першае не задаволіла, відаць. Занадта суровы выглядаў мабыць меў, не ведаю. Усё адбывалася вельмі хутка, таму гэтае фота добра адлюстроўвае мой псіхалагічны стан. А менавіта: моцная прыгнечанасць ад бясконцага прэсінгу, няўпэўненасць ні ў чым, недавер да ўсіх, чаканне горшага і пастаянных правакацый з усіх бакоў.

Што Вы адчуваеце і ўзгадваеце цяпер, калі глядзіце на гэтае фота?

3. Калі я гляджу на гэтае фота, то мне робіцца страшна і непрыемна ад магчымасці зноў узгадаць тое, што перажыў.

Што гэты фотаздымак значыць для Вас і ці будзеце захоўваць яго?

4. Не хачу захоўваць гэтае фота і лічу яго самых страшным у сваім жыцці. Таму захоўваць яго не буду.

Гісторыя пераследу