Магшоты палітвязняў: Ігар Фёдараў

Што гэта за фотаздымак?

1. Гэта фатаграфія зробленая за месяц да вызвалення [лістапад 2023 г.].

Як рабіўся гэты фотаздымак: што Вы адчувалі, у якіх умовах ладзілася фотаздымка, што адбывалася побач і хто фатаграфаваў?

2. Для сябе я вызначыў яшчэ за паўгода да гэтага фотаздымка, калі фатаграфавалі для пашпарта, які мне мянялі ў калоніі, што на тым фотаздымку і ўсіх наступных у калоніі буду ўсміхацца. Ну і вось — і на пашпарце, хоць і выбралі тады фотаздымак, на якім я максімальна не ўсміхаюся, зроблены, напэўна, першым, калі я яшчэ не паспеў цалкам ўсмешку нацягнуць. А вось на гэтым фота паспеў! Але гэтая ўсмешка не ад радасці хуткага вызвалення, бо ўвесь час стараўся трымаць у галаве, што ўсё гэта можа працягнуцца, каб у такім выпадку не было моцнага ўзрушэння. Ды і пасля вызвалення, знаходзячыся ў Беларусі, гэтую думку не адпускаў...

Што Вы адчуваеце і ўзгадваеце цяпер, калі глядзіце на гэтае фота?

3. Эмацыйна, напэўна, цяпер амаль нічога не адчуваю, бо гэтая ўсмешка на злосць ім. Паказаць: ды рабіце што хочаце, я ўсё роўна буду ўсміхацца!

Што гэты фотаздымак значыць для Вас і ці будзеце захоўваць яго?

4. Захоўваць буду, вядома. Для мяне гэтая даведка як дыплом аб вышэйшай адукацыі ці як пасведчанне майстра спорту. Для мяне яна своеасаблівае прызнанне заслуг у маёй — ужо не спартыўнай — барацьбе.

Гісторыя пераследу