Магшоты палітвязняў: Іван Куляшоў

Што гэта за фотаздымак?

1. Гэта фатаграфія аб маім вызваленні з СІЗА — момант, калі я стаў вальней фізічна, але стаў зняволеным у сябе ў галаве.

Як рабіўся гэты фотаздымак: што Вы адчувалі, у якіх умовах ладзілася фотаздымка, што адбывалася побач і хто фатаграфаваў?

2. Не хачу ісці па стандартным сцэнары. Узгадаю толькі гісторыю, што ідучы па калідорах СІЗА, я адзін з нямногіх людзей, хто прайшоў гэты шлях на свабоду. Праверкі, ператрус, выдача рэчаў і запаветны КПП, на якім я паказваў даведку і паказваў, што гэта я.

Што Вы адчуваеце і ўзгадваеце цяпер, калі глядзіце на гэтае фота?

3. Я чакаю хутчэйшай сустрэчы з бацькам [палітзняволеным Мікалаем Куляшовым], і гэтая рэч служыць мне апошнім напамінам аб нашай апошняй сустрэчы.

Што гэты фотаздымак значыць для Вас і ці будзеце захоўваць яго?

Я лічу важным захаваць яе, як нейкі матэрыяльны напамін.

Гісторыя пераследу