Магшоты палітвязняў: Лявон Халатран

Што гэта за фотаздымак?

1. Гэта класічны фотаздымак па вызваленні — паперкі, з якой ты павінен вызваліцца і стаць на ўлік у РУУС, таму што ўсіх, хто вызваліўся, ставяць на прафілактычны ўлік. З палітычнымі, зразумела, гэта больш жорстка адбываецца.

Як рабіўся гэты фотаздымак: што Вы адчувалі, у якіх умовах ладзілася фотаздымка, што адбывалася побач і хто фатаграфаваў?

2. Гэта было ў кабінеце ў опера ў ПУАТ. Ён звычайна рыхтуе гэтыя дакументы. Становішся каля сцяны, а ён цябе фоткае.

Што Вы адчуваеце і ўзгадваеце цяпер, калі глядзіце на гэтае фота?

3. Я проста адчуваў, што хутка звалю адтуль. Гэта ў любым выпадку вялікая радасць. На гэтым фота я паголены, але ў жыцці я заўсёды няголены хаджу. І там зусім іншая асоба. Калі я гляджу на гэтае фота, то ўспамінаю той жудасны перыяд. Ён быў жахлівым не толькі таму што я быў на" хіміі", а яшчэ таму што ў мяне былі жудасна складаныя адносіны з жонкай, якія сканчваліся.

Што гэты фотаздымак значыць для Вас і ці будзеце захоўваць яго?

4. Гэта фота я не хачу захоўваць. У мяне ёсць іншыя матэрыялы. Ды і фота я ў РУУС аддаў — у мяне яго няма. І нават тыя фотаздымкі з "хіміі", якія ёсць у мяне, я не вельмі люблю пераглядаць.

Гісторыя пераследу