Магшоты палітвязняў: Мікіта Траццякевіч

Што гэта за фотаздымак?

1. Фота зрабілі яшчэ на "каранціне" — на наступны дзень пасля таго, як пастрыглі. Усіх 18 чалавек вывелі ў агульны калідор — ставілі да сценкі і фатаграфавалі.

Як рабіўся гэты фотаздымак: што Вы адчувалі, у якіх умовах ладзілася фотаздымка, што адбывалася побач і хто фатаграфаваў?

2. Фатаграфаваў зэк на старэнькую лічбавую "мыльніцу". Справа была летам — у сярэдзіне ліпеня — і было горача. Мы ўсе тоўпіліся ў сініх робах, зробленых з "шкляной" сінтэтыкі. Мы так іх і называлі — "сцякляшкі". Распранацца было нельга, нават верхні гузік не расшпільвалі.

Што Вы адчуваеце і ўзгадваеце цяпер, калі глядзіце на гэтае фота?

3. Гэты фотаздымак суправаджаў мяне ўсе, што засталіся ў калоніі, два года. Гэтую фатаграфію я разглядаў пяць дзён у тыдзень у распранальні прамзоны. Гэтую фатаграфію я бачыў, калі апранаў кліфт або целагрэйку, але больш уважліва за ўсё я разглядаў яе, калі сядзеў у ШІЗА. Я размаўляў з гэтым Мікітам і прымушаў трымацца.

Гісторыя пераследу